德國醫學希望工程淨味自信棒

neulab+ Deodorant Stick /40ml

每個人嘅體質都大不同，有人汗腺好發達、有人就出極都出唔到汗排唔到毒，身體排汗其實實屬正常，但唯獨underarm 呢個位就好難搞，呢個位係一個慘位，我哋既汗腺同頂泌腺好密集咁分佈係underarm度，加上underarm長期被手臂夾住左，處於一個極度唔通風嘅零空間狀態，絕對係夾心階層嚟，好多寄生細菌就住晒係度，最慘嘅係呢D皮膚嘅細菌會將汗入面嘅脂質、氨基酸同蛋白質係咁分解，當細菌有咗呢D營養之後就會產生有味嘅細份子，就係汗臭味同臭狐味，成為男神女神公認嘅最大敵人！Underarm發臭最淒涼嘅影響唔係淨係自己臭呀，係會臭到隔離，影響到人地個下先至係最陰公、最尷尬、最無奈呀！

Clinic dor同我哋講 「呢支除臭棒係醫學部嘅研究成果，用左一種獨特嘅酵素Enzyme去分解細菌，佢冇加入酒精刺激underarm既肌膚、冇混入任何有害物質，冇Alumunium鋁、冇Parabene呢D一般止汗劑有機會引致乳癌嘅成份，亦冇Zinc粉末去block住毛孔」

我哋日試夜試佢，只要喺你沖完涼最乾淨冇流汗嘅moment，Z型咁一行一行喺underarm搽咗呢層酵素之後，就可以形成12小時嘅防汗臭屏障、杜絕發臭嘅源頭！ 就算你再流汗，你摸摸underarm都唔會再有味！從此，汗，抹走佢就得，唔使再俾佢留係皮膚入面變黑！！自自然然underarm經過新陳代謝嘅洗禮，汗漬黑色素就會自動減少，而且最重要嘅係汗臭味直頭可以同你100%揮之則去，終極say bye！自信淨味棒棒係我哋用過咁多款對付underarm異味嘅最強武器！日夜連續用直頭仲可以做埋治標又治本嘅效果！呢支自信棒仲有一個好突破嘅技術，就係冇左roller roll返D汗入去支止汗劑嘅困擾，就算日頭出完汗、喺office出晒壓力汗嘅時候，都可以搽完underarm之後輕輕抹走面層，清潔好繼續用，總之就keep住衛生，keep住fresh!

希望工程淨味自信棒亦做左dermatological test，測試咗適合仼何皮膚，繼續keep返我哋入貨嘅宗旨，還記得舒生好care用嘅嘢入面有咩成分嗎？之前喺亞洲拎返黎嘅止汗膏，成分入面因爲有大量化學成份而被舒生擔心會引致乳癌而扔左，呢支希望工程淨味自信棒成分完全完勝，冇混入任何有害物質，冇Alumunium鋁、冇Parabene呢D一般止汗劑有機會致癌嘅成份、亦冇酒精刺激underarm嘅肌膚，係，佢地係有止汗臭功能，但一樣有積聚喺人體，導致患breast cancer風險增加嘅可能:(，記住，搽得係underarm嘅我地一定要好小心好小心

大家對止汗劑唔陌生，但可能好少聽除臭劑，點解我地會分享除臭而唔係止汗

長知識：DEODORANTS除臭劑 VS ANTIPERSPIRANTS止汗劑

除臭劑可以俾你嘅肌膚繼續出汗，但可以通過殺死導致氣味嘅細菌嚟阻止氣味；而止汗劑係通過阻塞汗管嚟防止出汗嘅過程，成為減少汗嘅既產生，加上附有嘅香味可以掩蓋汗味，適合比較少汗嘅朋友，溫柔香就係止汗減低汗水流動嘅產品喇

但止汗劑嘅用法係將成份塞住汗腺令身體排唔到汗，如果大汗嘅朋友要經常咁填密哂封住underarm汗腺、就會積住咗本身要排出來既汗，汗漬就係underarm黑色一撻撻嘅原因 (睇下自己個underarm)！沉澱咗係皮膚入面就算做幾多磨砂同peeling都做唔嚟！少汗ok，但如果你係大汗，要好經常咁要用止汗劑嘅話，真係absolutely要轉場用淨味棒棒！因為止汗劑嘅唔完美，所以入一個更高層次嘅解決辦法返嚟，誓要將夏天嘅尷尬處理到最prefect！ 

Ingredients List 成分列表

propylene, Glycol, Aqua dest, Sodium Stearate, Saccharomyces Ferment, Ethylhexylglycerin, Parfum (extract from plants), mit Enzyme Wirkstoffkomplex

丙烯，乙二醇，水，硬脂酸鈉，釀酒酵母，乙基己基甘油，香料，含酶活性成分複合物

不含酒精及致敏成份，含有擊退臭味既enzyme酵素，適合肌膚敏感人士使用。不經動物測試

喺沖完涼最乾淨冇流汗嘅moment就搽一層先，Z字型咁一行一行搽，喺肌膚表面添加一層酵素，塗喺清潔嘅腋下位置就OK喇。平日時間有需要嘅話亦可以再搽:)

Underarm有毛髮嘅話可以將毛髮稍為剪短，方便自信棒棒更容易接觸肌膚嘅表面形成防汗層，毛髮稍為剪短亦有助減異味傳導

一枝自信淨味棒棒有40ml，可用10-12個月時間