Schnique 植物性淨滑泥膜

一直都想要一個深層deep deep清到毛孔嘅泥膜，咁多年黎試過唔同款式嘅泥膜，試過直接敷上面嘅死海泥，亦試過由paper mask面膜紙敷上面嘅粉紅泥，夠gimmick 但都係fail，次次敷完都係乾到乾爭爭！坦白講，用完仲衰過唔用😂直至幾年前，喺德國用過一款海底泥，用完之後真係好乾淨好滑，但好景不常，一個covid之後，同部份歐洲品牌一樣，原材料停產後就消失了，所以我內心一直有一個缺口，如果他朝有機會的話，一定要出一款泥膜！做一個效果再勁啲、功能再齊啲嘅、敷再滑啲嘅、要有晒我想要有嘅多功能元素嘅泥膜。我想講，唸力夠的話真係可以做到！！！ 

泥膜一般都係好杰身，一般上手搽都會feel到泥漿感嘅磨擦性，而且因為要吸油嘅關係，洗果下一定係乾到裂嘅境況，水份抽乾重要冇埋本身應該用黎保護肌膚嘅油脂，得不償失🤦🏽‍♀️ 但係淨滑泥mask一敷上面已經feel到絲滑嘅質感！係好有厚實感之餘重要滑透嘅感覺，貫徹始終，SLU係冇一個會抽走洗走，令肌膚變乾嘅產品🙅🏻‍♀️
 
唔係乾爭爭，係乾淨淨！

要做到肌膚持久地穩定，就要將肌膚調較至最合適嘅狀況，而肌膚本身係偏酸性，所以一定要定期用微酸性將肌膚個ph值調節返靚仔，所謂嘅靚仔就係毛孔要乾淨，冇暗粒，摸上手要滑，重點係，可以愈用愈後生🙈（如果大家由SLU開業到依家，都有keep住用奇蹟水嘅話，應該有一個共通共鳴感，maintain住膚質之餘，不知不覺老得慢過同齡嘅好多，即係四十似三十二，大家應該好明白！！！）

無錯，講到明要清潔，喺我哋範圍內，點都唔會出磨砂黎磨大家塊面扮滑滑效果，呢個傷害嘅物理性變幻術唔會有！今次用嘅潔淨配方用咗一個歐洲天然界新鮮配方，乳酸match蘋果醋。乳酸同蘋果醋將死皮、白頭粉刺溶解哂，當佢哋變得軟熟嘅時候，呢堆積住毛孔嘅廢棄物就會比泥土吸啜住，hehe，就好似泥膠痴住污糟野咁黏實左就搣唔甩，一洗就byebye😈

同時間，礦物泥土界皇者高嶺土，夾住三大抗敏感舒緩嘅成分，金縷梅提取物、烟酰胺同角鯊烷做抗敏舒緩，係咪一睇已經好係SLU嘅嘢🤣 淨係睇成分已經可以比足90分！呢三個負責改善敏感膚質、改善角質層、高級鎮靜肌膚嘅重點金牌成分寶貝加哂入去，可以平衡返乳酸同埋蘋果醋，成件事更balance！

當泥土界皇者高嶺土以泥吸住抽走油脂同污糟野嘅同時，烟酰胺同角鯊烷即時同時補住水份，補住個滋潤度；你這邊「吸走」我這邊「滋養」，呢一個你清去我來補嘅team work 動力，將油脂同污糟野推走晒之餘，細細份子嘅烟酰胺同角鯊烷成分滲透細胞，同時激活角質層，再跟手快快重新鋪好一次，粗糙嚡熠熠嘅質感冇哂，重會養到滋潤感嘅滑嘟嘟返黎😍 

用完淨滑泥mask嘅效果好明顯，用兩邊面去試吓比較嘅話，用咗淨滑泥mask果邊係滑好多同滋潤好多！一個「吸」完又可以「潤」到嘅泥膜so far第一次遇見！用完會唔小心成日摸完又摸🥹真係乾淨得黎又好鬼滑😂

We are sharing the best with you!!!

Main Ingredients 主要成份

乳酸 AHA

• 輕柔去角質，溶解死皮和白頭粉刺
• 改善膚質，提亮膚色

蘋果醋

• 調整肌膚 pH 值
• 降低皮脂分泌，減少皮膚油脂

高嶺土

• 一種天然礦物
• 吸附肌膚多餘油脂和污垢
• 深層清潔毛孔，同時不會使肌膚乾燥 

角鯊烷

• 天然保濕成分
• 能夠滲透到肌膚深層，提供持久水份滋潤
• 修護肌膚，強化肌膚屏障

甘油

• 一種保濕劑
• 從環境和皮膚深層吸收水份
• 保持皮膚濕潤和柔軟

Aqua (Deionized water), Kaolin, Glycerin, Niacinamide, green tea extract, stearic acid, sunflower oil, Lactic Acid, Squalane, licorice extract, Witch hazel extract, apple cider vinegar, soy protein, sweet almond oil, evening primrose oil, carrot seed oil, avocado oil, sodium PCA 

水（去離子水），高嶺土，甘油，煙酰胺，綠茶萃取物， 硬脂酸，葵花籽油，乳酸， 角鯊烷，甘草萃取物，金縷梅萃取物，蘋果醋，大豆蛋白， 甜杏仁油， 晚櫻草油，胡蘿蔔籽油，牛油果油， PCA鈉

使用Mask Wand取出適量的泥膜，塗抹於T Zone位置（厚敷2mm，停留約10分鐘） 

然後以Mask Wand輕輕刮走剩餘的泥膜，再以cleansing milk徹底清洗乾淨 （清洗時輕輕按摩達致去角質）

使用頻率根據膚質和肌膚狀態而定

油性混合性肌膚: 一星期使用一至三次 （可集中T-zone位置或粗糙位置使用)

敏感性/乾性肌膚：一星期使用一次（建議先喺局部位置測試）