有機玫瑰抗氧保濕噴霧

FACIAL ANTIOXIDANT MIST  - 100% Organic Rosewater 100ml

一齊來認識下Merme玫瑰花水三大功能！

  功能一：注水補濕

今次Merme Berlin呢個brand，幾乎可以話試足晒唔同product，考慮咗好耐先決定入Mist。Mist呢樣嘢，好似「不可信其無」咁，睇落似乎可以唔洗用，但用完真係幾舒服，喺日常護膚routine, 或者有上妝嘅日子都啱用，先揀咗佢地返嚟。少女心少少，今次揀咗100%天然有機大馬士革玫瑰，係嚟自保加利亞好出名嘅玫瑰谷，提煉方法用返傳統蒸餾技術，Keep返玫瑰萃取物嘅質素。香港天氣熱起上嚟都會想留喺冷氣地方多啲，又或者到冬天塊面好乾嘅時候，真係要有支Mist提升返保濕度同鎖水功能，好似一個屏障咁罩返住肌膚，平衡肌膚pH值，敏感肌或者暗瘡肌BFF都用得！

                                                                功能二：抗氧化

另外，大馬士革玫瑰有肌膚不能自生嘅維他命C做返抗氧化效果，即使喺室內定係室外都會接觸到不同種類紫外線，而呢啲就係令肌膚加速變老其中一個因素。由Mist喺外在增加膠原蛋白同刺激返肌膚組織再生，唔同場合拎出嚟噴都唔失禮，補足水同keep住光澤感！

功能三：抗炎舒緩

玫瑰花水除咗有保濕嘅功效之外，仲具有抗炎抗菌作用，如果生咗痘痘又痛又紅腫嘅話，可以將天然有機玫瑰花水噴喺肌膚上，舒緩痘痘爆發時引起嘅不適感，修護暗瘡同敏感肌膚，用完真係會舒服咗。同埋而家疫情關係，大家都要長期帶口罩，皮膚好容易爆粒粒，而玫瑰花水正正可以有效去除堵塞毛孔中嘅污垢，減少黑頭粉刺形成嘅機會，係一枝做到除咗補水仲可以抗炎嘅噴霧💪🏻

Ingredients List 成份列表

Rosa Damascena Flower Water

大馬士革玫瑰花水

不含礦物油，羥基甲酸酯，不含轉基因生物，不含動物測試，不含色素，不添加香料或防腐劑

日常使用：早晚完成基礎護膚步驟後，或肌膚感到乾燥時，使用1噴有機玫瑰水噴於臉上作保濕之用

配合Merme Berlin精華油使用：於洗臉後，先取出1-2滴精華油，再將1噴有機玫瑰水噴於手心，將精華油及玫瑰水混合後由頸部開始向臉輕輕按摩至完全吸收。

Tips for Mist : 可於上妝後或補妝前使用，令妝容更貼服