Schnique燕麥蒲公英保濕鎮靜水療啫喱膜

專喺Beautique為客人用咗幾個月嘅高效水療啫喱膜，終於可以直接喺屋企用🙌！SLU第一款水療啫喱膜由Schnique開始；自己一直都係水療膜嘅fans，拜托現今科技資訊發達，終於可以拜托廠商打造到一款屬於自己喜好嘅水療啫喱膜，何其感動🥹

大家睇過幾篇前期嘅文，都了解到因為我經常性要試新嘢，曾經有段時間經常性泛紅同敏感；每次用copper peptide 面膜鎮定落嚟都好安心，依家都定期去Beautique做B3 treatment已經接近斷尾咁濟，令我頓時覺得開展Beautique的確係為咗有共同困擾及肌膚問題嘅各位，成就咗人生一大快事！依家出左水療啫喱膜，大家可以日日喺屋企穩穩定定做補濕修復，更係一件大快朵頤嘅福氣 😍

水療啫喱膜係面膜界服貼度最高嘅一種面膜，由啫喱形式全效密封式嘅加壓，將全塊面每個細胞都可以完完整整咁敷住，以啫喱形式，將成份慢慢滲入細胞肌膚，避免直接快速直入到細胞，可以減輕一啲角層質受損有洞洞嘅肌膚使用

水療啫喱膜其中一個高濃度成份係燕麥種子提取物，燕麥成份可以舒緩皮膚，減少刺激，主要係因為佢含有多種天然化合物，酚類化合物、甾醇同脂肪酸等，呢啲成份可以中和自由基，減輕每日氧化對皮膚嘅損害；而亦因為燕麥成份可以抑制皮膚炎症反應，減少紅腫和刺激，做舒緩嘅效果更加係一流；燕麥種子提取物有豐富嘅多糖同蛋白質，呢啲成份能夠係皮膚表面形成保護膜，鎖住水分，防止水分流失，可以提升整個皮膚嘅水合狀態👏

另一個特別嘅高濃度成份係蒲公英根提取物，估唔到從前我哋德國屋企花園滿開嘅蒲公英會成為自己護膚品嘅重要成員🙈。蒲公英根有多酚類化合物，可以幫助中和自由基，當中亦具有抗炎特性，可以減輕皮膚嘅炎症反應，令到水療啫喱膜適合用喺敏感或者易發炎嘅皮膚狀況

大家可能都有聽過用蒲公英沖水飲，原理就係蒲公英被認為具有排毒嘅特性，可以促進身體同皮膚嘅代謝，用到肌膚上面，呢個功能就用嚟清除皮膚表面嘅雜質，提升皮膚嘅柔軟度同光滑度

配合住凝凍技術，敷上面嘅時候，各種植物元素以低温舒緩細胞，同時喺水份子進注後迅速收緊毛孔，鎖實分子吸收😌

我哋喺Beautique用咗幾個月，呢款水療啫喱膜已經幫手解決過好多泛紅、敏感、缺水性嘅肌膚，可以即時做返舒緩、降紅降敏感同時補水 （超敏感肌膚一律永遠用新產品時一定要喺少部分肌膚先試用），做完treatment水潤光澤嘅效果係即時照鏡都見到、即時摸上面都feel到😂，全部人一致認同

全天然成份嘅水療啫喱膜已經為大家努力配好了👍，其餘的效果就等大家喺屋企自行依照自己嘅保養習慣黎使用，將肌膚敷上面膜嘅另一個高度！ 

Main Ingredients 主要成份

燕麥種子提取物

• 中和自由基，減輕氧化損害
• 抗炎舒緩，減少紅腫刺激
• 形成保護膜鎖住水分，提升肌膚水合狀態

蒲公英根提取物

• 抗炎排毒，減輕皮膚炎症
• 促進肌膚代謝，清除雜質，改善肌膚柔軟度和光滑度

蘆薈葉汁

• 舒緩保濕，減少肌膚炎症和刺激，修復受損肌膚

積雪草提取物

• 促進皮膚修復，減少紅腫和炎症
• 促進膠原蛋白生成，提升肌膚彈性和緊緻度

天竺葵提取物

• 抗菌抗炎，有助於平衡肌膚油脂，改善肌膚質感

霍霍巴種子油

• 模擬肌膚自然油脂，有效保濕，平衡肌膚油脂

玫瑰果油

• 富含維他命C和脂肪酸
• 滋潤和修復肌膚，增強其彈性，改善暗沉膚色

Ingredients List 成份列表

Water, Aloe Barbadensis Leaf Juice, Avena Sativa (Oat) Seed Extract, Centella Asiatica Extract, Equisetum Arvense Extract, Geranium Maculatum Extract, Taraxacum Officinale (Dandelion) Root Extract, Boswellia Serrata Oil, Rosa Canina Seed Oil, Simmondsia Chinensis (Jojoba) Seed Oil, Cassia Angustifolia Seed Polysaccharide, Pca, Sodium Pca, Glycine, Alanine, Serine, Valine, Isoleucine, Proline, Threonine, Histidine, Phenylalanine, Arginine, Panthenol, Aspartic Acid, Glycerin, Sodium Lactate, Hydroxyethylcellulose, Carrageenan, Styrene/Acrylates Copolymer, Alcohol, Carbomer, Ethylhexylglycerin

水、蘆薈葉汁、燕麥種子提取物、積雪草提取物、馬尾草提取物、天竺葵提取物、蒲公英根提取物、乳香油、玫瑰果油、霍霍巴種子油、黃豆種子多糖、PCA、鈉PCA、甘氨酸、丙氨酸、絲氨酸、纈氨酸、異亮氨酸、脯氨酸、蘇氨酸、組氨酸、苯丙氨酸、精氨酸、泛醇、天冬氨酸、甘油、乳酸鈉、羥乙基纖維素、卡拉膠、苯乙烯/丙烯酸共聚物、酒精、卡波姆、乙基己基甘油